أراء وقراءات
من القلب للقلب الشدة بتعلم
بقلم / امل الوكيل
عايز تشوف حقيقة الناس المزيفه اللي حواليك بجد ! اقع ف محنه ..اتعب ابعد ..
شوف كام واحد هياخد باله من وقوعك وهيحس بتعبك وهيلاحظ بعدك !!
وقتها بس هتعرف حقيقة شعور كل حد حواليك.. هتشوف الوشوش المزيفه علي حقيقتها
الناس بتبان وشوشها الحقيقية في البعد و الزعل والخصام والتعب و الشدائد
سيبك من اللي يفضل يقولك انا بحبك ومليش غيرك وعمرى ماهستغنى عنك كل دا كلام علي الفاضي
هتعرف اصل كل واحد اما تحطه تحت ضغط معين اما تعرفه نقطة ضعفك .. اما تعتمد عليه ويخذلك
وقتها بس هتعرف كل انسان علي حقيقته وعلي قد ما هتتعب من معرفة الحقيقة
دي علي قد ما هتكون مبسوط ان ربنا بعد الناس المزيفه دي عنك ..
الشدة بتعلم واتعلم من الدروس دي كويس !
هيجي عليك وقت تفهم حاجات كتير كانت بتدرو حواليك وانت مش واخد بالك
او بمعني اصح عامل مش واخد بالك يمكن علشان مش عايز تخسر حد او تظلم حد ..
بس “ربنا” بينور بصيرتك وبيظهر كل حاجة ليك علي حقيقتها عارف لية ؟؟
علشان ربنا وحده بس اللي عالم نيتك .. وربنا وحده بس اللي شايف اللي جواك وجوه غيرك !
بس في النهاية …ربنا بيعطي كل واحد علي قد نيته وضميره وعلي نياتكم ترزقون !
