من القلب للقلب .. الشكايين

بقلم / أمل الوكيل 

نقطة مهمة جدا ..

احنا مبنبعدش عن صحابنا لما بيمروا بفترات اكتئاب أو انتكاسات نفسية …. دي اسمها ” قلة اصل لو عملنا كده.

احنا بنبعد عن الناس اللي في العموم شكاية بكاية طول الوقت بسبب و بدون سبب  … ده طبعهم .

بنبعد عن الناس اللي مبتعرفناش غير وقت الحزن و وقت الفرحة منسيين .

بنبعد عن الناس اللي كل ما تفكر في حاجة حلوة أو فكرة جديدة أو مشروع جريء .. يسرقوا فرحتنا بتشاؤمهم و سوداوينهم .

إنما صحابنا .. على الحلوة و المرة ..رفقاء الحياة و الرحلة ..نديهم كتف يبكوا عليه من غير تفاصيل و مناهدة .. نديهم قعدة ونس و صمت مقدس لحزنهم ..نديهم طبطبة وحنية ووعود بالدعم الغير مشروط .

شتان ما بين ده .. و ده .