من القلب للقلب…الصاحب.. ساحب

كتبت أمل الوكيل

من القلب للقلب
– يوم القيامة فى ناس هتدخل الجنة وناس تانية هتدخل النار و ده اللى كلنا نعرفه. بس لما عرفت ان فى ناس من أهل الجنة هيقولوا لربنا يا رب أنا عايز *فلان* معايا .. أنا مش هتكمل فرحتى في الجنة غير لما يكون معايا ،انا بحبه أوى.

– ربنا هيقوله روح و خده من النار وهيروح يجيبه فعلا من النار ناس بقي من أهل النار هيسألوا هو أشمعنى(فلان) طلع منها هو كان له أعمال صالحة شفعت له ؟( لا ) طيب شفع له حد من الرسل؟ ( لا ) طيب حد من أهله شهيد فشفع له ؟ ( لا ).

– لكن له صاحب من أهل الجنة عايزه معه و شفع له عند ربنا هنا بقي أهل النار هيقولوا الآيات دى و اللى أول مرة أفهمها “فما لنا من شافعين* و لا صديق حميم* فلو أن لنا كرة فنكون من المؤمنين” .. ندموا أن مكنش عندهم ناس بتحبهم بجد ناس فى يوم القيامه مش هينسوهم و هيقولوا لربنا عايزنهم معانا ي رب فى الجنة.

*لحظة صمت كدا* ….

شوف الناس اللى حواليك دلوقتي .. دور وسطهم على حد يوم القيامه هيجرى من الجنة عشان يطلعك من الحجيم لو دخلته .. هيرفض يستمتع بالجنة و أنت مش معاه فيها! حتى لو مكنتش حلو فى الدنيا و بتعمل بلاوى حاول تصاحب حد حلو حد صالح .. حد يفتكرك فى صلاته يدعيلك حد يحبك من قلبه حقيقي. … خدوا وعود من الناس اللى تعرفوهم و أنتوا كمان أوعدوهم انكم مش هتتخلوا عن بعض يوم القيامة