من القلب للقلب ..القريب منك

بقلم / أمل الوكيل 

لما تيجي تركز في اللي حواليك وتصنف مين الأقرب ليك

هتكتشف ان القريب لقلبك مش لازم يبقي اللي قاعد جنبك ليل نهار  .

ولا اللي يبقي  بيكلمك طول الوقت .

هتلاقي القريب منك هو:

اللي بيفهمك ،وبيستوعبك في مشاكلك ،وفي اوقات تعبك ومرضك ومحنتك .

اللي بيشارك في التفاصيل الصغيره قبل الكبيره .

اللي بيفهمك من كلامك حتي لو بتحاول تداري بالضحكة احزانك .

اللي حريص يسندك لما تقع ويساندك في جميع حالاتك .

القرب مش مسافات بنعدها.

القرب مسافات علشان مع بعض بنعديها