من القلب للقلب المتربين الجدعان اللى عشرتهم حلوة

بقلم /أمل الوكيل

بحب الناس الطيبة المحترمة، اللي جواهم حنية وطيبة وقلوبهم بيضا منورة،لا حقد ولا غل ولا سواد،اللي بيفهموا ف الأصول ويراعوا العيش والملح ويبقوا فاهمين يقولوا ايه وايه لأ،
اللي بيصونوا العشرة حتى لو الود اتقطع غصب، اللي بيعرفوا رد الغيبة،اللي يعز عليهم الناس ويعز عليهم خسارتهم وزعلهم.
الناس النضيفة الراقية اللي يوم ما بتحصل مشكلة بينهم وبين حد بيمشوا بأدب لا طولة لسان ولا تلقيح ولا فضح أسرار ولا خوض في سير وأعراض، مابحبش الناس البلاستيك الحلوة من بره وجواها خربان واللي بتخسر بسهولة وبتخون وبتخدع وتجرح وهي ماشية، أنا بحب المتربيين الجدعان ولاد الأصول.اللى عشرتهم حلوة

وزمان جدتى قالت ايه اللى عشرته حلوة احسن من اللى شكله حلو اصل العشرة الحلوة بتحلى كل حاجة حواليها