أراء وقراءات

من القلب للقلب…الونس

بقلم : امل الوكيل

من كام يوم رجعت من الشغل مرهقة جدا وكان عندي بدايات دور برد .. أخدت شاور .. صحيت الفجر لقيت نفسي قعدة مكاني على السرير وشعري ملفوف بالفوطة المبلولة وجسمي متلج لاني نمت من غير ما أحس من كتر التعب وانا قعدة مكاني على السرير متحركتش من بعد ما طلعت من الحمام .. أخدت وقت ع بال ما حسّيت بالدفا وفقت شوية وكل اللي جه على بالي اني بس كنت محتاجة حد يخبط على كتفي ويقومني اقلع الفوطة وانشف شعري وأنام مرتاحة ..
بس يخبط على كتفي .. مش اكتر .. الونس في الحياة على مدار سنين تجربة شاعرية وانسانية جايز تكون أكبر بكتير من امتلاك الحب والجواز والمسميات الكتيرة اللي أطلقها البشر على العلاقات اللي بتربطهم ببعض بقيود صعبة ..
أحنا عارفين ان الحياة قصيرة بس مش مدركين فعلا قصرها بسبب تكرار الوقت .. بيهف الونس كل ما استرجع صورة ابويا وهو بيدفي رجلين ماما بالبطانية كويس قدام التليفزيون في ليلة شتا وهما فوق الستين بيتفرجوا على مسلسلهم المفضل وغير مبالين بما يحدث في العالم ..وياتى السؤال فين اخواتنا واصحابنا فين الناس اللى كانوا قريبين .الونس دلوقتى اما بنحلم بيه او ذكرى جميلة من زمن فاااااات

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.