من القلب للقلب… براحتك خُد بالك

كتبت أمل الوكيل

لو المكان اللى انت فيه مش عاجبك بدلهُ،لو الشخص اللى انت معاه مُرهق ابعد عنهُ..لو الشغل اللى انت فيه بيقتل حماسك وفكرك,فوراً دور على غيره..لو الناس اللى بتقرب منك مُش واضحة حط بينك وبينهم جدار عازل..لو الناس اللى بتسأل ديماً عنهم مقصرين بدون اعذار ركز شوية مع اللى بيسألو هُما عليك ..لو حاجة مُش عجباك ارفض وقول لاء..حياتك متستهلش ابداً انك تضيعها وتفنِيها فى علاقة بايظة غير مستقرة,,فى شغل روتينى يخليك تفقد شغف النجاح..فى مرضى نفسيين ومهازل على شكل بشر..انت موجود فى الحياه عشان تحيى فيها عشان تجرب وتغلط وتتعلم وتنجح..متخليش الخوف يحولك لشخص ميت وانت ما زلت حى بتشغل فراغ فى الكون وعبئ على غيرك وعلى افكار ناس بتنحت فى الصخر عشان تنجح..عشان يحولوا كل حاجة لايجابية ..خليك من الناس دى لأنها بتصنع مجد ونجاح يشرف اى حد