أراء وقراءات
من القلب للقلب ..بلاش تتوقع الحلو
بقلم : أمل الوكيل
الفكره كلها في التوقعات ..
تتوقع انك اغلى حاجه في حياتهم ، والمواقف تثبتلك انك صفر علي الشمال فتتقهر وتتوجع ..
تتوقع ان عنيهم مش بتشوف غيرك ، وتكتشف انها بتشوف كل الناس الا انت فتتقهر وتتوجع ..
تتوقع ان زعلك اصعب حاجه عندهم وتكتشف انك عادي تتفلق ويسبوك تولع فتتقهر وتتوجع ..
تتوقع انك اقرب حد ليهم ، وتكتشف انك ابعد حد عن حياتهم فتتقهر وتتوجع ..
تتعب ، فتزعل منهم ، وتلوم عليهم .. رغم ان الغلط مش منهم ..
هما معملوش اي حاجه غير انهم اتعملوا باللي جواهم ليك ، بتلوم عليهم والغلط كله منك انت عشان انت اللي رسمت صوره في خيالك وصدقتها وعليت سقف توقعاتك اكتر من اللازم ..
محدش آذاك .. انت اللي آذيت نفسك .