من القلب للقلب.. جواز الصالونات.

بقلم / أمل الوكيل

أنا ضد جواز الصالونات شكلًا وموضوعًا، ضد فكرة المعاينة، ضد فكرة هو ده الشكل اللي نفسي اتجوزه وهيّه دي المهنة اللي نفسي اتجوز حد منها، وبخاف من مراحل اكتشاف الحقيقة اللي بتخلّص على الحياة قبل ما تبدأ حتّى.
اتجوزوا عن حُب، واعرفوا عيوب بعض وحبّوها وإعرفوا إزّاي تتعايشوا معاها قبل الجواز، طلعوا اسوأ ما فيكم بحرّية وشوف التاني هيتعامل إزّاي وإنتوا على البر، صلّحوا من بعض واشتموا بعض واقفوا جنب بعض، ومثّلوا على الناس اللي برّه مش على بعض.

اختاروا أنتم، متسمعوش للي بيقول سِن كِبر ولا عُمر بيجري ولا إلحق خلّف، وشيلوا مسئولية الإختيار وادفعوا فواتيره، أعرف أنت عاوز تتجوّز ليه! لو لقيت أسباب غير أنك تبقى أهدى أنجح أامن أريح أسعد؛ راجع روحك وسيب ولاد الناس في حالها،، وأعرفوا إن أجمل خطوة تقوموا بيها في حياتكم هي الإرتباط بالشخص المناسب، كل حاجة هتروح (الشباب، والوظيفة، والأهل، والأصحاب) وهيبقى ليك ومعاك للآخر