من القلب للقلب.. خليك إنت وبس

بقلم /أمل الوكيل

اللى بيحاول ينافس الناس بمظهره هيلاقى اللى احلى منه وبيلبس برندات اغلى منه
واللى البرندات بالنسباله بيئة وبيلبس one piece متصممة مخصوص ليه هيلاقى اللى بيلبس قماش مصنوع من الدهب مش هنقدر نجيب آخر المظاهر وهتفضل حاسس انك قليل كل ماتجرى وراها

ولو حاولت تنافس الناس بعلمك هتلاقى اللى شهاداته اعلى منك واللى حاصل على نوبل والمخترع وعمرك ماهتجيب اخر الموضوع
ولو حاولت تنافس الناس بإيمانك ورضاك هيتحول ايمانك الى رياء علشان الناس مش علشان ربنا

والحل الوحيد هو انك ماتنافسش حدلانك نسخة واحدة من صنع الله وده حاجة لامحتاجة تعديل ولا منافسة استمتع بكونك انت وبس