أراء وقراءات

من القلب للقلب …رسالة حريمى

كتبت أمل الوكيل

تفتكري الواحد ممكن يعيش من غير حب ؟!
سؤال صدمتني بيه صديقة ولما حبيت أرد، لم يكن هناك اجابة مطلقة ..
اه ممكن يعيش .. لا طبعا لازم حب.
الحياة أولويات مختلفة في عيون البشر، زي مثلا أن الرجالة أهم حاجة عندها شغلها وفي ستات أيضا أهم حاجة عندها شغلها ومستقبلها وفلوسها واستقلالها وفي ستات العيال هما الهدف الاول والاخير وراحة العيال أهم من راحتها وأخريات سعادتهم مهمة جدا عندهم لأنهم مدركين أنها تنعكس علي أطفالهم وادائها كأم .. والسعادة بالنسبة لكل ست في الحب معناها مختلف في ست بتشوف الحب حضن وخروجة وكلمتين حلوين وستات بتشوفه هدية غالية وستات بتشوفه طموحات مشتركة وانسجام يومي.
لكن الاكيد مهما أختلفت أولويات البشر فانها بتتغير بالزمن، الانسان اللي عاش يشتغل ينجح بيحس بوحدة وبيدورعلي ونس، واللي عاش مع حبيب مشاعره بردت وبيدورعلي طموحه، الزمن قادريلعب كوتشينة بأحلامنا ومشاعرنا ويغير في الورق ويقش في كل مرحلة بورقة مختلفة.!
الكون قائم علي الحب، ربنا بيحبنا واحنا بنحبه، وبنحب أهلنا وأولادنا وهما بيحبونا، وفي كل مرحلة بنحب نفسنا أو شغلنا أو راجل أو ست في حياتنا .. الحياة مغامرة كبيرة ولكنها مازالت قصيرة فابحثي عن الاختيارات التي تبعث السلام الداخلي وتمنحك الراحة وحب الحياة نفسها !

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.