أراء وقراءات
من القلب للقلب … رسايل ربنا
بقلم أمل الوكيل
اسمع الرسايل إللي ربنا بيبعتهالك وامشي وراها.. رسالة تشدك للي وراها، وسكة تفتحلك سكة، وإنسان ياخدك لإنسان.. لحد في النهاية ما توصل لبر الأمان إللي بتدور عليه.. في مرحلة ما في الحياة، محتاجين نعزل نفسنا عن الوَش الكتير إللي حوالينا ونستسلم (بالمعنى الإيجابي) ونسيب نفسنا نتحرك مع التيار.. محتاجين نقلل مقاومتنا للضغوط والحزن إللي بيشدونا لورا.. ونسيب نفسنا زي إللي بينام على ضهره في البحر ويحس بالموجة الخفيفة بتسحبه بالراحة،، ساعتها بتبقى نايم ومستسلم للمية وواثق إنها هترفعك لفوق ومش هتغرق.. استسلام واعي.. استسلام بهدف التحرر..
