من القلب للقلب .. رفقاً بقلوب أصحابكم..

من فترة وأنا ملاحظة إن كلنا فى كل بيت، وفى كل صحبة عندنا أوجاعنا وهمومنا اللي تهد الجبل.

ياريت نراعي بعض، ياريت نقدّر إمتى

نحكي ونفضفض وإمتى نسكت ونعتبر المكالمة هدنة وفاصل من وجع القلب.

الكلمة الحلوة، الذكرى الجميلة اللي جمعتنا فى موقف،الضحك على نكتة قديمة، الأكلة اللي بنحبها إحنا الاتنين وبنوصف لبعض تكاتها وحركاتها ..كلها حاجات حلوة ممكن نقضي فيها مدة المكالمة علشان نهون على بعض ونخرج من المكالمة بشوية ضحك وطاقة تخلينا قادرين نكمل.

أرجوكم يا جماعة نرحم بعض فى أيام كتير مننا عندنا اكتئاب ومش وقته نفضل نحكي لبعض مشاكل تقيلة وهموم.

راعوا الحالة النفسية للي بتكلموه، راعوا قلقه على أهله إن كان حد منهم مريض، راعوا خوفه ووحدته إن كان له حبيب مسافر أو مفارق وإن كان همك كبير انساه معاه مش تشيله معاه..عشان قلوبنا مش ناقصة كسرة، وكتافنا مش قادرة على حمل أكتر من اللي شايلاه.