أراء وقراءات

من القلب للقلب .. زى الاول

بقلم / أمل الوكيل

” لما تبقى متعوّد على حاجة وتلاقيها اتغيّرت.. بيبقى شعور مرعب جدًّا. فما بالك بقى لما تتعوّد على شخص وتلاقيه اتغيّر؟؟.

بتحس قلبك مقبوض طول الوقت، بتحس إنك غرقان فحزن ملوش آخر..

((مبقاش معايا زي الأول)) إيه “زي الأول” دي اللي جابتنا الأرض؟ اللي حطتنا ف مقارانات مع الماضي اللي عمره ما هيرجع؟ اللي بتحرقنا كل يوم بذكريات عمرها ما هتتنسي ؟؟ اللي بتفكرنا كل يوم إنّنا محلتناش حاجة غير الناس اللي اتغيرت علينا دي.

صعب إنك تعوّد نفسك متتعودش.. لأن اللي بيتغير معك بيبقى بالضبط كإنّه بيقتلك من غير ما يموتك، بيقتلك من غير ما يعرفك إنت بتموت ليه.. بيشوفك بتموت قصاده.. ومبيعملش حاجة… ولا هيعمل حاجة…

بتناديه كل يوم.. بتحزن.. بتغضب.. بتحن.. بتبعد.. تقرب… وهو مش باصصلك أصلاً ..

ويبقى القُرب لعنة.. والبُعد السلام الصعب..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.