كتبت أمل الوكيل
لو سالتونى عنها هقولكم كلامنا مع بعض مافيهوش مشاعرلابتقول وحشتينى ولا نفسى اشوفك بس الاقيها على بابى فتحضنى دون كلام.
لما اكون متضايقة تيجى تقعد جنبى وخلاص لو زعلانة حتى عتابها مجرد سكات
فى حزنى كلامها الوحيد مجرد حضن بفهمه كويس وعارفة هى عاوزة تقولى ايه هى بتحس ان الكلام مالهوش معنى جنب الافعال
يوم مااقع القاها بتفكر معايا بصوت عالى من غير ماتقولى معلش
فى ناس كده بتكبرنا بأفعالها مش بكلامها بنحتاجهم جنبنا بسكوتهم ناس مابتتكلمش بس بتعمل.
بتشدك مش بتقولك حاسب بتقويك بسكاتها اكتر من كلامها .الخصام ملغى من قاموسها.افعالك عندها مش محتاجة مبررات .اعذارك عندها مقبولة بتساعدك تقف ومش بتزود همك ولا مستنية حاجة منك.والأغرب انهم مابيشغلوش تفكيرك بس هما كل قلبك