من القلب للقلب ….علاقات مش مفهومه
كتبت أمل الوكيل
علاقة عندك تبدأ لاسباب مش مفهومة وتنتهى لاسباب غير مفهومة ايضا… زى ناس كده يظنوا فيك خيرلاسباب غير مفهومة وناس يظنوا فيك شر لاسباب غير مفهومة ايضا
تكتب من قلبك حاجة لحد مايشوفهاش. وتخبى كتاباتك وانت مجروح فيشوفوها… تعامل واحد وحش فينسى ومايفتكرش غير الحلو لانه شاريك. وتفرش الارض ورد لواحد تانى فيدور على حرف يمسكه عليك
واللى ياما يتقرب ليك وانت ماتعرفهوش .. واللى ياخد كلامك على نفسه وانت ماتقصدوش .. وتكبر دماغك وغيرك يصغرها . وتبقى عايز واحدوهو بيهرب منك . واللى هتموت على حزنه وهو مش فارق معاه حزنك…. ومع كل احترامك تلاقى اللى يصغرك. تشترى ناس بيعاك وتبيع ناس شرياك …. تلاقى الحب اللى فى قلبك لحد يقل فجأة زى مازاد فجأة. والناس اللى يتجمعوا حواليك لاسباب مش مفهومة يبعدوا برضوا لنفس الاسباب اللى مش مفهومة…. بعد كل الحاجات اللى مش مفهومة حواليك بتلاقى نفسك عايش فى جملة ليه كده وتفضل تسال نفسك لحد ماتلاقى رد فعلك بيعرفك على نقسك وعلى حقيقة الناس اللى حواليك اخلاقك بتترقى بعد كل خبطة بتلاقيك الاقوى دايما بس لو ركزت شوية
