من القلب للقلب .. علامة فى قلوبنا

بقلم/أمل الوكيل

العيال ما بتفتكرش المليون جنيه اللي إتصرفوا في الملاهي، و لا المليون ليلة اللي ما نمناش فيهم أول ما إتولدوا
، و لا بيفهموا إننا شقينا عشان نوفر لهم حياة أجمل من حياتنا

بس بيفتكروا دفانا، و ضحكتنا في موقف كان ممكن نزعق لهم عليه، و قعادنا معاهم على الأرض نلعب،
و نومنا جنبهم ليالي إمتحناتهم ، و فخرنا بيهم في أصغر المواقف ، و سترنا عيوبهم قدام الغير و حرصنا إنهم يحسوا إننا عايزينهم معانا في كل حتة…
دي الحاجات اللي أنا شخصياً فاكراها عن أبويا، رحمة الله عليه .. لو هيرجع بيا الزمن، هبوس إيديه و رجليه إنه إداني وقت و حنان و ثقة و فخر، أعيش عليهم لحد ما أقابله يوم القيامة-يا رب-
إحنا عايشين حياة مادية جداً… لدرجة إننا بننسى الحاجات اللي بتفرق بجد .. يا رب نعرف نسيب علامة في حياتهم ..
رحمةاللهعلى_أبي ورحمة الله على كل اب او ام سابوا علامة من حنانهم فى قلوبنا