من القلب للقلب.. مجرد صدفة

بقلم /أمل الوكيل

ساعات صدفة بتجمعك بشخص غريب تمامًا عنك؛ الراجل إللي على الترابيزة اللي جنبك ع القهوة، واحد اتعرفت عليه في المواصلة، واحدة كانت قاعدة جنبك وإنتي منتظرة دورك عند الكوافير، سواق، بقال، غفير.. فجأة بتلقى نفسك بتحكي للشخص ده أوجاعك، همومك، مشاكلك الصحية، العجيب في الموضوع مش إنك بتتفضفض مع واحد غريب تماما عمرك ما هتشوفه تاني.. العجيب إنك بتحس براحة شديدة بعد ما بترمي له أعباءك وكل واحد فيكم يمضي لحياته الشخصية تاني.. وجايز لو قابلته تاني ما تفتكروش أصلا..