من القلب للقلب.. مرجيحة الحياة

بقلم /أمل الوكيل

حياتنا بين صعود و هبوط دائم …
في كل حاجه صحتنا .. رزقنا .. سعادتنا .. احوالنا …
علاقاتنا مع نفسنا و مع غيرنا و مع ربنا ..

طول حياتنا بنتمرجح ..
في كل لحظه و ثانيه بنتمرجح ..
حتي و احنا فاكرين ان احنا ثابتين برضو بنتمرجح بس ببطء شديد لا نكاد نراه
الثابت الوحيد في هذه الحياه هو التغير .. الحركه ..

المرجيحه قاعده في الحياه ..
كام مره في حياتك لقيت نفسك طالع لسابع سما ..
و بعدها بشويه نازل لسابع ارض ..
كام مره كنت حتموت من السعاده ..
و كام مره مت قبلها او بعدها من الحزن ..

المرجيحه بتتحرك طول الوقت ..
صعب تعرف قوتها ..
مستحيل تعرف حتقف امتي …
الحاجه الوحيدة لازم تتعلمها ..
انك تعرف امتي تمسك جامد عشان ما توقعش..
امتي ترفع رجلك عشان تعلي اكتر ..
أمتي تلم نفسك عشان تقلل السرعه ..
امتي تحاول تفرمل ..
امتي تسيبك ايدك و جسمك و نفسك و تعيش اللحظه بقوتها سواء طلوع او نزول ..
امتي تحاول تقاوم ..
و امتي تستسلم ..
اه تستسلم ..
في حلاوه للاستسلام ..
في راحه في عدم المقاومه…
في جمال انك تسيب نفسك للصعود ..
و انك تقبل الهبوط .. مدركا ان بعده اكيد صعود ..

عن جمال الإحساس و انت منطلق و طاير فوق في السما ..
عّن جمال و راحه إدراكك انك مربوط و في أمان ..
و انك تقدر تتوكل و تسيب ايدك …

توكل .. أتيقن و سيب ايدك ..
استسلم و استشعر ..
اتمرجح
عيش