من القلب للقلب.. نصك التانى.. بقلم: أمل الوكيل

متندمش على اللي باع.. متبتش في اللي ساب.. مترضاش بوجود سد خانه.. متكونش مجرد عدد يملى فراغ.. متسلمش روحك للي مش قادر يحميها ..متسلمش قلبك للي مش هيكون نبضك جزء من أسباب نبضه.. متضعفش للي مش هيقفوا في ضهرك..متبقاش جنب حد مختصرتش بوجوده ناس كتير.

في ناس بيدخلوا حياتنا ويكونوا عبارة عن القطعة التانية من Puzzle، ناس بيجوا علشان يكملوا سيناريو مهم في حياتنا بوجودهم، بتكون معادلة الاحتياج بيننا وبينهم متكافئة تمامًا، محدش بيتفضل على حد ولا حد بيجبر نفسه علشان يكون موجود، مبيكونش غير ان كل واحد محتاج للتاني، وان في حاجة مش هتكمل بغياب واحد فيهم، ودي المعادلة الأصدق.