أراء وقراءات
من القلب للقلب
بقلم /أمل الوكيل
من القلب للقلب قول ” بحبك” للناس اللي بتحبهم من غير تفكير ولا كسوف .. قول ” وحشتني” للناس اللي وحشتك ومفتقد وجودهم ..
قول ” شكرا أنك موجود ” للناس اللي وجودهم بيفرحك ويسعد قلبك ويطمنك ويحسسك بالآمان ..
قول “أنا اسف ” للناس اللي زعلتهم واتسببت ليهم في ضيق .. لو حسيت مشاعر حلوه لحد قوله ،
خليك صادق وعبر عن مشاعرك وعن الاحساس اللي ساكن روحك وقلبك .. عبر عن اللي جواك بصدق وحب من غير ما تفكر ومن غير ما تتكسف ومن غير ما تحسبها ..
متحبسش مشاعر حلوه جواك وتفضل تخبيها وتداريها .. خليك متأكد ان اللي بيحبك بيكون ديما محتاج وجودك ، محتاج حُبك ، محتاج اهتمامك واحتوائك له ولقلبه ،
ومحتاج يطمن انه ساكن قلبك وروحك .. ” بحبك ، ووحشتني ” كلمات حلوه اوى ومش عيب انك تقولها وتعترف بيها ، ناس كتير من اللي بتحبوهم وساكتين ومش بتعبروا عن حبكم ليهم مستنينكم ،
مستنين يحسوا بحبكم ، مستنين اهتمامكم ، مستنين يسمعوا كلمة ” بحبك ” ويحسوها منكم ، مستنينها عشان بتفرحهم وبيعيشوا عليها وبتقويهم في ايام كتير اوى صعبه ..
