بقلم أمل الوكيل
مش عارفة ليه بقيت بلاحظ الفترة الاخيرة، ان أغلبية اللي بيسيبو شغلهم، بيكونو مبسوطين، و بيتكلمو دايماً علي أنهم أرتاحو نفسياً بعد الخطوة دي،
مش عارفة هل هي مشكلة جيل مش قادر يتحمل ضغط الشغل، ولا ان الشغل فعلاً بقي بياخد عمرنا كله بدون اي مقابل، بل بالعكس بياخد جزء كبير من حياتنا و نفسيتنا،
تقعد تشتغل ٩ و ١٠ ساعات و من بعدها تحس انك بتجري عاوز تلحق تقعد مع اهلك و تخرج مع صحابك و تلحق تنام علشان تصحي تاني تعيد نفس اليوم الممل ! فـ طبيعي لما تاخد خطوة زي دي تحس بالراحة النفسية،
احنا عاوزين نشتغل، بس نشتغل و عليه نتقدر و نحس اننا بشر مش مكن و آلات..فـ اللهم الراحة فـ أي وضع، ارزقنا الراحة سواء في شغلنا، في بيتنا، في حياتنا، و ارزقنا الرضا بحالنا اللي هو أحسن من غيرنا كتير جداً جداً جداً، الحمدلله.
