احدث الاخبار

مهندس مصري شاب يبتكر حلا عبقريا لأزمة سد النهضة

كتب المحرر السياسي

ابتكر مهندس مصري شاب حلا عبقريا وعمليا لسد النهضة الإثيوبي يجنب مصر مخاطر العطش  أو الغرق وايضا مخاطر المغامرة بالدخول في حرب را على تهديدات رئيس الوزراء الإثيوبي .

وكتب المهندس الشاب على صقحته على الفيس بوك يقول :

بما ان السد ده تهديد مباشر لمصر والسودان , انا شايف ان الحل التفاوضي تضييع وقت والحل العسكري هيحط مصر في حسابات وعقوبات دوليه مالهاش أول من اخر .

يبقي نعمل ايه ؟

بيقولك قال السد عاملينه  علشان توليد الكهرباء.

سد النهضة ( تصوير اخرون )

من كرم ربك يا مؤمن ان السد اتعمل في المكان ده علي بعد 18 كم من الحدود االإثيوبية السودانية , الدائرة الزرقاء الصغيره اللي في الخريطة ،أه والله تخيل ,  ليه بقي ؟

فيها ايه لو السودان نخليها تبني سد هي كمان,  تيجي داخل حدودها ب اتنين كيلومتَر من الحدود مع اثيوبيا (الخط الاحمر اللي في الخريطة )، في نفس طبيعة المكان وتضاريسه والجغرافيا بتاعت المنطقة اللي فيها سد النهضه بنفس المنسوب والارتفاع ,  وده يكون بالتعاون والتنسيق وحتي التمويل والتأمين مع مصر .

وممكن اي حد يسأل : هو إحنا قادرين علي سد واحد لما يبقوا أتنين ؟

فكر فيها كده , لو السودان قدرت تبني سد داخل حدودها وابتدت فيه من دلوقتي , تاثير السد الجديد ده هيكون ايه علي سد النهضه, خصوصاً إن المسافة بينهم 20 كم فقط  ؟؟

أولا الخزان بتاع السد االجديد هيمتد من الأراضي السودانيه الي داخل الأراضي الإثيوبية, في المساحة المحدودة دي بين السدين , وده سهل جدا يمتلئ بسرعه وفي فتره قياسيه لو احنا مستعجلين ، او بالراحه خالص وعلي مهلنا ، وتخزين المياه فيه  لدرجة أنه ممكن المياه بتاعته لما يعلي منسوبها شويه شويه  , سد النهضه هيغرق حرفياً  وميبقالوش اي تلاتين لازمه , ويعوم تحت المياه .

وساعتها هيبقي وجود سد النهضه زي عدمه , ولا حتي هيقدر يولد بربع جنيه كهرباء نظرا لارتفاع منسوب المياه علي الجانبين بسبب السد السوداني  الجديد .

جوبكده تبقي علي الاقل مصر  أمنت نفسك من خطر انهيار سد النهضه  اولا ، واصبحت مصر  والسودان المتحكمين في المياه ثانياً,

كأنك نقلت سد النهضه هيلا بيلا من اثيوبيا وحطيته في السودان , بالبلدي كده سحبت المحبس من داخل الاراضي الاثيوبيه الي داخل الأراضي السودانية ,

والأوقع بقي إنك مجرد ما هتعلن عن البدء في إنشاء السد ده , هتعطل الانشاءات في السد الأثيوبي , ببساطه لأنك هتغرقهم ,

وحقك وكله بالقانون , مهي برضه السودان ومن حقها تعمل مشاريع تنموية وتولد كهرباء هي كمان .

الهدف من الفكرة إنك لازم تجبر الإثيوبين أنهم يرضخوا للتفاوض بأساليب هما نفسهم مايتوقعوهاش , لأنهم عاملين حسابهم علي كل الاحتمالات اللي التفكير العادي بيفكر فيها, والمماطله لمصلحتهم وعامل الوقت ضدنا .

بالمناسبة , اثيوبيا دوله حبيسه , ومعندهاش اي منفذ تصرف منه اي مياه زياده , لو فكرت تمنع المياه عن مصر حتغرق , وده لان المياه بتجري من الجنوب للشمال ,هي عايزه تتحكم مش تمنع , وانت بالطريقة دي هتمنعها من ده .

  • قد يقول البعض ان السودان مش هتوافق , إديني بس انت حبة صلاحيات وإبعد عني الإعلام المصري , وأنا اخليلك الشعب السوداني كله يطلع يبني السد الجديد من بكره الصبح وباقتناع كمان, وتأمين وتمويل السد الجديد يكون باتفاقيات ومواثيق مكتوبه ومعلنه مع الحكومه السودانية , وساعتها اي تعرض للسد الجديد يبقي جنت علي نفسها براقش وانت معاك حق الرد والدفاع طبقا للقانون الدولي اللي ساعتها هيبقي معاك مش عليك .

الفكرة سهل جدا تتعدل وتتزبط, وده دور المهندسين والجيولوجيين والمستشارين الفنيين يقولولنا تتنفذ ازاي , وتأثيرها هيكون اية.

وتطالب جريدة ( وضوح ) المسئولين بدراسة هذا الاقتراح وبمناقشة الفكرة مع الشاب نفسه بحضور خبراء مصريين في بناء السدود ولا نستصغر سنه او فكرته . ولا ننسى ان قكرة استخدام المياه في تدمير الساتر  الترابي لخط باريف الحصين والتي مهدت لعبور قواتتا وتحقي الانتصار في حرب اكتوبر عام 1973 كانت فكرة ضابط مهندس شاب هو المقدم باقي زكي يوسف الذي خدم بالجيش حتى رتبة لواء وكان قد اقترح الفكرة عام 1969 واقتنعت القيادة بها وتم التدريب عليها وتنفيذها بدقة في حرب عام  1973.

وقد استوحي المهندس باقي الفكرة خلا عمله مهندسا فى السد العالى من سنه 1964 لغاية 1967 و هناك كانو بيستعملون المياه المضغوطه فى تجريف جبال الرمله و سحبها و شفطها فى أنابيب مخصوصه عن طريق ترومبات لإستغلال مخلوط المياه والرمله فى عمليات بنا جسم السد العالى.

بارك الله في الشباب المصري الذي لو اتيحت له الفرصة لغرص افكاره ومقترحاته ودراساتها والاخذ بالصالح منها للتنفيذ فان الكثير من مشاكلنا ستحل داخليا دون الاستعانة باي أجنبي وباستثمارات محلية دون الحاجة للاستدانة التي تثقل كاهل الاجيال .

مقالات ذات صلة

تعليق واحد

  1. اخي الكريم
    اثيوبيا ليست بهذا الغباء حتي تسمح للسودان بان تمتد مياه السد الجديد الي داخل اراضيها كما فعلت مصر حين بناء السد العالي حيث تم اغراق مدينة حلفا السودانية وتهجير اهلها . بتواطؤ معيب من الحكومة السودانية فى ذلك الوقت .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.