نصائح ذهبيه..محدش يغسل البوتجاز بأي ماده كيميائيه
كتبت / عزه السيد
محدش يغسل البوتجاز ب فلاش أو سترس أو باور أو اي ماده كيميائيه ده هيخليه يبقع وياكل الاستانلس وعيون البوتجاز ده غير اللون بيبهت جدا طب نغسل ب اي عن تجربه مايه سخنه وخل وليمون وصابون مواعين وشويه كربونات الصوديوم'” كربوناتو “وسلكه ناعمة
طب فيه طرق افضل طبعا
تنظيف ( الشفاط _ المطبخ الخشب _ حوض الاستانلس _ البوتجاز _ حامل البوتجاز ) بالمواد الطبيعية
الشفاط هاتى حوالى ربع كيلو دقيق وافركى بة الشفاط وكل الدهون هاتطلع معاكى بسهولة وبعد كدة يغسل بالماية والصابون عادى تحت الحنفية ونشفى كويس
الخشب هاتى كيس بيكنج بودر ونضفهم على نصف كوباية خل و2 معلقة كربوناتة وشوية صابون مواعين ومن غير ماية خالص ونمسك سلك المواعين وندعك المطبخ الخشب ونشف بقطعة قماشة نظيفة وناشفة وهاتشوفى الفرق
الحوض الاستانلس حطى علية حوالى ربع كوباية من الخل ومعلقتين من ملح الليمون هتلاحظى بفوران ادكى بسلك المواعين مع شوية صابون مواعين وافتحى الماية واشطفى كويس وكمان ادعكى كمان خلاط الحوض وحوض الحمام وقاعدة التواليت كمان بنفس الطريقة وهاتشوفى اللمعان بنفسك
البوتجاز من كل الدهون كوباية خل نحطها على كل البوتجاز ونضيف علية 2 معلقة كبيرة ملح ليمون نحطة على كل الدهون ونسيب البوتجاز بالشكل دة من باليل للصبح بس تكون كل المكونان على دهون البوتجاز ان شاء اللة هاتقومى من النوم هتلاقى كل الدهون طلعت بسهولة من البوتجاز شيليها بقطعة قماش واغسلى البوتجاز عادى بالصابون والسلك واوعوا تغسلوا البوتجاز وفيشة الاشعال شغالة وبعد غسيل البوتجاز نشفى البوتجاز كلة كويس من الماية
حامل البوتجاز هانعمل خلطة وهى 4 معلقة كبيرة نشادر وبيتباع عند العلاف او العطار ومعلقتين كبار كربوناتو ومتوفر عند العطار ونصف كوب خل
كل المكونات نخلطهم مع بعض ونلبس كيس بلاستك فى ايدينا ونجيب حامل البوتجاز ونحط عليها كل الخلطة يعنى ندهنها بيها كلها ونجيب كيس بلاستك ونحط الحامل فى الكيس ونخلية فى البلكونة من بليل للصبح وافتحى بالراحة الكيس هتلاقى الكيس منفوخ من الخلطة امسكى سلكة مواعين وادعكى بيها تحت الحنفية وهتلاحظى الفرق والنظافة.
