نصائح هامة ومفيدة لكل ست بيت. …
كتبت عزه السيد
لكل ست بيت هنقدملك شوية نصائح راااائعة هتفيدك اووى
- لو عندك طماطم ناشفه خالص وعايزه تحوليها لطماطم طريه … حطيها ف كيس بلاستيك مع تفاحة واخرمي الكيس ثقب بسيط واتركيها يومين تلاتة … هتلاقي الطماطم بقت طريه وحلوه وكلها حنيه وما حدش يسألني ومصير التفاحة إيه …
دلكي ايدك بالجلسرين والليمون ثم أرتدي قفازات قطنية قبل الذهاب إلى النوم وسيقوم ذلك بالقضاء على تأثير المواد الكميائيه الضارة التي تتعرضين لها طول اليوم من غسيل المواعين والحركات
لتحسين رائحة الغسيل .. ضعي المحسوق مع الغسيل نفسه مش في الدرج. .
و ضيفي مع المحسوق معلقتين من مسحوق بيكربونات الصودا (الگربوناتو)…
.- لتنظيف طاسة التحمير من الزيت .. قومي بوضع عدة نقط من صابون الغسيل على حتة بطاطس نية وإدعكي بها الطاسة …
… لعمل قرص بيض أومليت .. أخفقي البيض جيداً ثم ضعي قليلاً من المياة الغازية عليه قبل وضعه في الطاسة …. حد يفتكس بقى ويحط بيبسي إسود فيطلع الأومليت لونها مش ظريف .. يبقى هو حر … يعني بالبلدي نحط شوية سفن آب …
- لو عندك حذاء جلده نشف .. قومي بطلائة بطبقة من الفازلين ثم أتركيه لمدة يوم .. فيعود الجلد طرياً .. وحلو
.. للحصول على ملابس مفرودة جيداً .. قومي ببخها بماء مُثلج ثم أتركيها قليلاً قبل كويها ..
في حالة وجود بقع عصير فواكه على الملابس .. قومي بشطفها بماء ساخن … ثم غطي البقعة بالعسل الأبيض واتركيها ساعة ثم أغسليها بالطريقة المعتادة ..
الوصفة بتاعت الجينز دي من الاخر .. قبل إرتداء الجينز أول مره .. إغسليه بالماء الساخن مع وضع 50 جرام ملح خشن في الماء .. بعدها سيصبح القماش اكثر ليونه عنداأرتداء البنطلون
تخلص من آثار القلم الجاف على أي مصنوعات جلدية تستعمل المناديل المعطرة بتاعة البيبي
كمان المناديل دي بتعمل مفعول السحر لتنظيف الكمبيوتر والكيبورد وعدة التليفون والتليفزيون
لان التراب مع حرارة الاجهزة بتخلي شكلها مش حلو زي ماكانت جديدة ..
لتلميع الزجاج نعبي البخاخ ماء وخل بنسبة التلتين ماء ..والتلت خل وهتشوفى النتيجة الرائعة
