هاني رمزي ينتقد منتخب ألمانيا لتأييده الشواذ
كتب المحرر الرياضي.
غرد هاني رمزي نجم النادي الأهلي السابق ومنتخب مصر بعد انتهاء مباراة ألمانيا واليابان في بطولة كأس العالم لكرة القدم المقامة في قطر والتي انتهت بفوز المنتخب الياباني بهدفين دون رد قائلا:
“ان لم تحترموا عاداتنا وثقافتنا وعقائدنا فلا احترام لكم بعد الان.. مبروك للمنتخب الياباني👏👏”
جاءت هذه التغريدة بعدما وضع لاعبو المنتخب الألماني أيديهم على أفواههم تعبيرا عن تأييدهم للمثليين الشواذ ورفضا لمنع قطر تأييدهم.
وقد تعرض رمزي لانتقادات بسبب هذه التغريدة حيث رد عليه حساب باسم جوزيف قائلا:
‘الحقيقه يا هاني تنازلاتك كل يوم بتزيد عن اليوم اللي قبله وصغرت نفسك اوي لغايه ما بقيت قزم وبقي اي لاعب كان درجه تالته مميز عنك كلً ده بسبب المصلحه . الا قولي .قلعت صليبك ليه اللي كنت دايما لابسه؟’
ورد رمزي قائلا:
“تنازلات😂😂؟ واللي حضرتك متعرفهوش انا طول عمري لابس صليبي.. واللي حضرتك متعرفهوش او عارفه ومش عايز تقول ان المثاليه محرمه في المسيحيه ده لو حضرتك تعرف ايه هي المسيحيه اللي اتربينا عليها في مصر مش في امريكا واوروبا’
ورد عليه حساب اخر باسم سامح:
“انت ليه كده؟ انت عشت معاهم وكلت من خيرهم وهم السبب فى الخير اللى انت فيه؟ مش حلو كده يا أخى…خلى عندك شويه من الاحترام لنفسك وشويه من الحريه للتعبير….كل واحد حر….وبعدين كل اللى عملوه حطوا ايديهم على بقهم….كفاياك نفاق….رجعت من ألمانيا لابس الصليب…وبعدين معاك”
فجاء رد رمزي قويا وقال:
“انا عشت معاهم وأكلت وشربت من تعبي ومجهودي…انا احترم فيهم حاجات كتير جدا لكن ازاي احترم حاجه ربنا حرًمها في كل اديانه السماويه؟!؟! وهم احرار فيما يعتقدون وانا كمان حر فيما اؤمن بيه.’
في حين امتلأت التغريدة بالثناء على رمزي بسبب موقفه هذا ومنها ما قاله أحدهم:
“احسنت يا كابتن هاني والله ..تحياتي ليك يا محترم’
