هتطبخى إيه النهاردة…أجنحة الدجاج الحاره

كتبت عزه السيد

هتطبخى ايه النهاردة…تعالى نعمل حاجه مختلفة بس هتعجبك أوى وهتعجب افراد اسرتك ومش مكلفه كمان، هنعمل سوا أجنحة الدجاج الحارة.

مقادير
10 قطع أجنحة دجاج
1 كوب حليب
2 كوب دقيق
1 بيضة
3 معلقة صغيرة ملح
2 معلقة صغيرة فلفل أسود
3 معلقة صغيرة ثوم بودرة
3 معلقة صغيرة بصل بودرة
1 معلقة كبيرة شطة
1 معلقة كبيرة بابريكا
زيت للقلي

تغسل أجنحة الدجاج جيداً، ويقطع الطرف الأخير منها.

يوضع الدقيق في بولة غويطة، ويضاف إليه الملح والفلفل الاسود والبابريكا والثوم البودرة والبصل البودرة والشطة، وتخلط جيداً.

يوضع الحليب في بولة، ويضاف إليه البيض، ويخفق جيداً.

تغمس قطع الدجاج في الدقيق ثم في خليط البيض، وتكرر العملية مرتين لكل قطعة دجاج مع مراعاة ان تكون اخر طبقة من الدقيق.

يوضع زيت غزير في مقلاة غويطة على نار مرتفعة حتى يسخن.

تقلى قطع الدجاج في الزيت، مع تخفيف النار قليلاً لضمان النضج من الداخل.

تقلب على الجانبين حتى تكتسب اللون الذهبي وتنضج.

ترفع على ورق مطبخ حتى تتخلص من الزيت الزائد.

توضع في الطبق، وتقدم مع صوص الرانش، والبطاطس المحمرة

وبألف هنا.