هتطبخى إيه النهاردة..كفته الأرز باللحم
كتبت / عزه السيد
كفتة الأرز باللحم بمقادير مظبوطة
المقادير
كيلو لحمه جملي مفرومه ناعم او لحم بقري كندوز كبير السن
نصف كيلو أرز
الخضره : نصف كوب كسبرة خضراء مفرومة
و ربع كوب شبت مفروم
التوابل:
ملعقه صغيره ملح ممسوحه
نصف ملعقة صغيرة فلفل اسود
ملعقة كبيرة نعناع ناشف
ملعقة كبيرة بهارات لحم
نصف ملعقة صغيرة ورق لورا و حبهان مطحون
ربع ملعقة صغيرة بيكربونات الصوديوم
٢ فلفل احمر رومي او حامي حسب الرغبه
٢ عدد بصلة وسط
٨ فص ثوم
الخطوات:
لتحضير الأرز يغسل جيدا و يترك لينشف و يجف جيدا قبلها بيوم حتي يسهل طحنه
نقوم بطحن في مطحنة التوابل حتي يصبح ناعم و من الممكن استخدام دقيق الأرز الجاهز
توضع كل المكونات مع بعضها من اللحمة و دقيق الأرز و التوابل و البصل و الثوم و الخضرة و تقلب معا
يوضع الخليط في الكبة او محضر الطعام علي مرتين او ثلاثة حتي تصبح عجينة ناعمة
توضع عجينة الكفتة و تغطي في الثلاجة لترتاح نصف ساعة
ثم نقوم بعمل أصابع الكفتة مع مراعاة دهن اليدين بالزيت اثناء التشكيل و تقلي الكفتة في زيت غزير و يمكن الاحتفاظ بها في الفريزر قبل او بعد القلي
ملحوظه: طبعا لو هتعملي نصف كيلو لحمة هتقسمي المكونات والتوابل والارز
لعمل صلصة الكفتة::
حلة يوضع فيها زبدة و زيت او ملعقة سمنه بلدي كبيره مع بصلة مفرومة وننزل بثوم مفروم ناعم لحد ما يبقي لونه دهبي ننزل بعصير نصف كيلو طماطم مع ملعقة كبيرة صلصة طماطم وملح بسيط وفلفل اسود ونصف مكعب مرقة دجاج و نصف لتر ماء مغلي و ننزل بالكفتة و نسيبها ١٠ دقائق و بالهنا والشفا
