هتطبخى إيه النهاردة.. ملوخيه بالجمبري
كتبت/ عزه السيد
الملوخيه بالجمبري
المقادير:
نص كيلو جمبري بقشره
كيس ملوخيه
معلقتين صلصه طماطم
بصله مفرومه
ثوم
معلقتين كسبره ناشفه
ملح وفلفل اسود
معلقه سكر
مرقه دجاج
مستكه وحبهان وورق لورا
طريقه_التحضير:
١- نقشر الجمبري ونحتفظ بالقشر ونضع مايه علي النار تقريبا نص الحله ونضيف الصلصه والبصله والمستكه والحبهان وورق اللورا والمرقه وقشر الجمبري ونتركهم يغلوا علي النار ونهدي النار علشان نعمل المرقه بتاعه الجمبري
تقريبا نص ساعه ثم نصفي المرقه كويس من القشر ونحطها علي النار وممكن نزودها شويه لو قلت حسب كميه الملوخيه ثم نضيف الملوخيه ونقلب
٢-تفرومي الثوم والكسبره وناخد نصف المقدار ونضيفه للشوربه ونضيف معلقه صغيره سكر
ثم نتركها ربع ساعه تغلي ونضيف الجمبري المقشر والملوخيه مع بعض علشان الجمبري مش المفروض يغلي كتير واول ما الملوخيه تغلي غلوه واحده نضيف التقليه (وهي باقي الثوم الي فرمناه مع الكسبره نحمره لحد ما يبقه زهبي) ونضيفه للملوخيه وبألف هنا.
