هتطبخى إيه النهارده..شاورما الدجاج
كتبت / عزه السيد
هتطبخى النهارده أحلى شاورما الدجاج
المقادير:
صدر فرخه كيبر مخلي ومقطع بالطول
كوب زبادي صغير
3 أكياس من الكاتشب وممكن حار
ملعقه كبيره من الخل
ملعقه كبيره من الزيت
ملعقه صغيره من الببريكا المدخنه
ملعقه صغيره من البهارات اللحمه
ملعقه صغيره من الثوم والبصل البودره
ملعقه صغيره من الكمون
ملعقه صغيره من الكسبره الناشفه
ملعقه صغيره من النعناع الناشف
ملعقه صغيره من الملح ،، رشه زعتر ناشف
نجيب المقادير دي كلها نخلطها مع بعض كويس جدا ونجيب الفراخ تكون مغسوله ومنقوع في دقيق وليمون وملح ونصيفها كويس جدا من الماء وتتبل كويس جدا ونسيبها ساعه كده او اكثر حسب الوقت معاكي وبعدين نجيب طاسه علي النار تكون سخنه جدا فيها ملعقه كيبره من الزيت وننزل بالفراخ تاخد صدمه الريحه رهييييبه جدا ونبدأ ننزل عليها بصل وفلفل مقطع جوليان وطماطم حسب الرغبة ونسيبها علي نار متوسطه للتسويه التام وبالف صحه عليكم ياااارب
