هتطبخى إيه النهارده .. صينية الجلاش
كتبت / عزه السيد
صينيه الجلاش
المكونات :
لفه جلاش كوب لبن حليب او شوربه او نص لبن ونص شوربه وده اللي انا بفضله
نص معلقه صغيره ونص بيكنج بودر.. بيضه. . ملح وفلفل وطبعا تلت معالق كبار سمنه
الطريقه:
في طبق صغير هنضع السمنه+ نصف ملعقه صغيره من البيكنج بودر ودي كدا اسمها خلطه التوريق اللي بتخلي الجلاش مورق وطبقات مش معجن وماسك في بعضه
هندهن الصينيه بتاعتنا سمنه خفيفه خالص بالفرشه ونرص الجلاش طبقات كل طبقه ورقتين وبين كل طبقه والتانيه ندهن من خلطه التوريق التحفه دي لغايه ما نخلص نص لفه الجلاش بالنظام ده
في اللحظه دي بقا نكون مجهزين الحشوه بتاعتنا
أما عصاج أو سبانخ بالجبنه او خضار او فراخ او جبن بس نوعو ف الحشوه حسب ما نتو عاوزين براحتكم خالص
بعدين نكمل باقي لفه الجلاش عادي خالص طبقات برضو بين كل طبقتين بندهن خلطه السمنه والبيكنج بودر
ونجهز عندنا كوبايه الحليب او الحليب علي شوربه مضاف عليها نص معلقه صغيره ملح ورشه فلفل اسود ولو فضل معانا سمنه من بتاعت الخلطه نضيفها والبيضه والبيكنح بودر أو خميره الحلويات علي حسب ما بتسموه ونقلب كويس
نقطع صينيه الجلاش مربعات أو مثلثات ونسقيها بالخلطه اللي عملناها ونسيبها عشر دقائق تشربها نكون مولعين الفرن كويس جدا علي درجه ١٨٠
ندخلها الفرن لحد ما تحمر من الجوانب ولو احتاجت شوايه ممكن نولعها دقيقه واحده بس لو الفرن سخن كويس ف الغالب مش هنحتاجلها لأن حراره الفرن هتسوي الجلاش وكمان هيتحمر من الوش عشان هوا ورق خفيف خالص
وقت التسويه تقريبا٢٥ دقيقه ممكن تزيد أو تقل علي حسب كل فرن
