كتبت / عزه السيد
احلى طاجن ورق عنب بالعكاوي
المقادير:
عكاوى مسلوقه -ورق عنب – شوربه العكاوي – عصير ليمون- بصل – طماطم – فلفل حامي – بقدونس -كزبره – شبت -صلصه – ارز- ملح وفلفل وكمون وكزبره وشطه
الطريقه:
اضربي في الخلاط الطماطم والبصل والفلفل الحامي في الخلاط وحطيهم مع الارز والخضره والصلصه والتوابل وقلبيهم سوا واحشي بيهم ورق العنب علي الناحيه الخشنه من الورقه
حطي علي ارضيه الطاجن طماطم وبصل شرايح وطبقه من المحشي وعليها من الصوص وفي النص حطي العكاوي وكملي طبقات ورق العنب وعلي الوش الصوص
حطي في الشوربه عصير ليمونه واسقي بيها المحشي وغطيه بورق فويل وعلي الفرن يستوي
صوص_الطاجن:
ثوم مفروم – طماطم مبشوره – صلصه- ملح وفلفل – رشه سكر – بهارات – كبابه صيني-– خل – سمنه
شوربه العكاوي
شوحي الثوم المفروم في معلقه سمنه وانزلي بشويه خل عليه
حطي الصلصه والطماطم المبشوره والشوربه مع بعض وحطي علي التومه مع التوابل ورشه السكر وسيبيها تاخد غلوة
لتشويح_العكاوي
بصل – فلفل الوان – ملح وفلفل وكبابه صيني
بهارات – سمن
شوحي العكاوي المسلوقه في معلقه سمنه مع البصل والفلفل الالوان والتوابل مع بعض.
