كتبت / عزه السيد
المقادير
نص كيلو كبد وقوانص هنغسلها كويس اووي ونعصر عليها ليمونه ونسيبها علي جنب في مصفاه علي ما نخلص باقي المقادير
بصله ونص كبار مفرومين
خمس فصوص توم
تلت قرون فلفل احمر واخضر بارد
قرن فلفل حار
ملح فلفل كمون
زيت وعصير ليمون
في طاسه علي النار هنحط معلقتين زيت وننزل ببصلايه بس ونسيب النص التاني مش عاوزينه دلوقت
رشه فلفل اسود ونقلبه لحد ما يبدو يلون دهبي كدا ونروح نازلين بالقوانص المتقطعه بتاعتنا ونشوحها علي نار متوسطه لحد ما تاخد صدمه ونروح مغطيين عليها وموطيين النار ونسيبها تستوي بعد عشر دقائق تقريبا هتكون استوت مع البصل واخدت منه كل الطعم الجميل بتاعه والبصل هيكون شبه دايب
في طاسه تانيه وننزل بالزيت ونص البصله اللي معانالسه مع رشه ملح وفلفل اول ما يدبل انزل بنص كميه التوم ونقلبها لحد ما التوم يصفر فاتح وننزل بالكبده علي نار عاليه عشان تاخد صدمه ومتنزلش الميه وتزفر
ونقلبها من وقت لآخر لحد ما توصل أنها تلت ارباع سوا نروح نازلين بباقي الملح والفلفل والتوم والكمون والفلفل الاخضر كمان
ونقلب ونظبط الملح بتاعنا
ونسيبها تكمل دقيقتين بس علي النار انا مش عاوز الخضار يدبل عاوزه فريش
بس نكون منزلين القوانص معانا بقا علي الكبده ونشوحهم مع بعض في الخلطه التحفه دي
ونطفي النار وننزل بعصير ليمون وشكراااا
سلطه طحينه وبتنجان مخلل وطبق بطاطس محمره وحبه جرجير
ملحوظه
الفلفل الاحمر بيخلي شكلها حلو اووي يا جماعه وريحتها كمان
لما اقول نار عاليه تبقا عاليه تمام
هتطبخى إيه النهاردة.. حمام محشي
هتطبخى إيه النهاردة.. طاجن كبد وقوانص