هتطبخى إيه النهارده..كفته_اقتصاديه
كتبت / عزه السيد
كفته_اقتصاديه
بربع كيلو لحمه وطعمها ولا اروع
المقادير
ربع كيلو لحمه مفرومه
تفل بصلايه كبيره معصورة كويس جدا هنستخدم مايه البصل بعدين
بطاطسايه مبشورة ومتصفيه كويس جداااا
فلفل اخضر او الوان المتاح
معلقه ص بيكنج بودر
ملح وفلفل
بهارات لحمه
مكعب مرق …ودى بقي تكايه كده هتخلي طعمها وهم
ربع كوب بقسماط مخلوط بربع كوب ميه او نص رغيف عيش منقوع فى ميه ومتصفي تمامااااا
للتلميع
ميه بصل
ملح وفلفل
معلقه ص صلصه طماطم
معلقه ك زيت
الطريقه
اول حاجه تفرمي اللحمه مع البطاطس والتوابل وتفل البصلايه والماجي والبيكنج بودر والبقسماط اللي اتنقع ف الميه وكله يتفرم سوا بعد كده دخلي الكفته نص ساعه الثلاجه وفى الوقت ده جهزي خليط التلميع بخلط كل مكوناته المكتوبه فوق وابتدي شكلي الكفته على سيخ الشوي وبلي ايدك بخليط التلميع ودخليها فرن سخن على ١٨٠ ل ٢٠٠ لمده ٢٠ دقيقه واول ماتخرج اديها فحمايه وغطيها خمس دقايق وكلي احلى كفتة
وبالف هنا وشفا.
