هتطبخى ايه النهاردة…فاهيتا الدجاج

كتبت عزه السيد

هنطبخ النهاردة فاهيتا الدجاج ودى اكله بسيطى ولذيذة جدآ وخطواتها بسيطه تعالو نبدأ

المقادير

3xمعلقة كبيرة زيت زيتون

2xعدد فص ثوم مهروس

1xمعلقة صغيرة فلفل اسود مطحون(او حسب الرغبة)

1xمعلقة صغيرة عصير ليمون

1xمعلقة صغيرة ملح(او حسب الرغبة)

1xعدد بصلة(مقطعة شرائح)

1xعدد فلفل أحمر حلو

½xمعلقة صغيرة كزبرة جافة مطحونة

½xمعلقة صغيرة كمون

½xمعلقة صغيرة فلفل حامي مطحون

½xكيلو صدور دجاج مخلية(و مقطعة قطع صغيرة)

طريقة التحضير

في بولة، هنخلط ملعقتين كبار زيت مع عصير الليمون والملح والثوم والفلفل الحار والكمون والكزبرة.

هنضيف شرائح الدجاج ونقلبها كويس فى التتبيلة ونغطى البولة وندخلها الثلاجة على الأقل ساعتين والأفضل تبات فى الثلاجة من قبلها بليلة.

فى بولة تانية هنضيف البصل والفلفل الأحمر والملح والفلفل الاسود ومعلقة كبيرة زيت ونقلبهم كويس جدا.

هنسخن طاسة على حرارة متوسطة وهنقلب فيها خليط البصل والفلفل لحد ما يدبلوا.

هنضيف شرائح الدجاج للطاسة ونقلبها كويس من وقت للتانى لحد ما تستوى.

هنضيف الفاهيتا لطبق التقديم وبالهنا والشفا.
فاهيتا الدجاج