هتطبخى ايه النهارده
كتبت: عزه السيد
السؤال اليومى الذى تسأل عنه ست البيت يوميآ ويحيرها هو هتطبخى ايه النهارده ؟
إيه رأيكم نحاول نساعدها فى الاجابه عن هذا السؤال
علشان كده كل يوم هقدم طبخه يمكن تساعدها وتحل مشكلتها اليومية
الاكله دى حلوه اوي وسهله جدا
فراخ مشويه في الفرن
المقادير
فرخه مقطعه ٨ قطع وانا بستعمل وراك
2 بصله كبيره مقطعه ترنشات
2 جذر مقطعه دوائر
2 معلقه سمنه او زبده
معلقه صغيره ثوم مهروس
فلفل اسود و ملح
2 طماطم مبشوره
معلقه كبيره صلصه
علبه زبادي او نصف كوب لبن رائب اختياري
كوب ماء
طريقة التحضير
نغسل الفراخ جيدا بالملح والدقيق والخل والليمون ونصفيها جيدا
في وعاء نضع البصل والثوم وعليه الفلفل والملح وندعكهم جيدا ثم نضع عليهم السمنه ونقلب والزبادي والصلصة والطماطم
وبعدين نحشي الفراخ بخلطه البصل بين الجلد واللحم واللي يتبقي نضعه مع الجذر في الصينيه وعليه كوب الماء ونضع عليها الفراخ وتدخل فرن عالي الحرارة الي ان تنضج وبعدين نضعها في الرف العلوي لتأخذ اللون او نفتح عليها الشوايه و ممكن نعمل معاها شويه رز ابيض وطبق سلطه وبألف هنا
