هتطبخى ايه النهارده (الكانيلونى)
كتبت عزه السيد
لسه محتاره وبتفكرى هتطبخى إيه النهارده ؟عارفين هنعمل النهارده اكله سهله جدا وسريعه
ايه رأيكم نعمل الكانيلونى
وصفة لتحضير عجينة الكانيلوني. تسكب على شكل دوائر في مقلاة وتُحمّر. يمكن حشوها بالجبن، اللحم أو البطاطس.

مقادير العجينه
1/2 كوب لبن
1 كوب دقيق أبيض
3 بيض
2 ملعقة كبيرة سمن
ملح
فلفل أسود
بهار
للحشو::
400 غرام لحم مفروم، أو جبنة أو بطاطس مسلوقة
طريقة التحضير
10 دقيقة
يخلط اللبن والدقيق مع البيض والملح والفلفل والبهار ويخلط جيداً.
ناخذ جزء صغير من السمن فى طاسة تيفال صغيرة ويسكب فنجان صغير من الخليط عليها حتى يحمر وتقلب على الوجه الاخر حتى يحمر ايضاً.
ترفع على منديل حتى يتشرب السمن ونكرر الخطوات السابقة حتى نحصل فى النهاية على 8 فطائر.
تفرد الفطائر ويوضع عليها الحشو إما اللحمة أو الجبنة أو البطاطس المسلوقة وتلف جيداً.
توضع فى صينية وتدهن بالصلصة ونضع على الوجه جبن رومي مبشور بيديها طعم اشهى وتوضع اسفل شواية حتى تحمر وممكن نقدم معاها البطاطس المقليه اللذيذه وسلطة الطحينيه وبالهنا والشفا.
