هتطبخى ايه النهارده..فتة الشاورما.

كتبت / عزه السيد

فتة الشاورما

المقادير :

1/2 كيلو صدور فراخ مقطعة شرائح

فلفل اخضر

فلفل الوان

شرايح بصل مقطع

½ كوب بقدونس مفروم

للتتبيل “ملح فلفل ،بصل بودر ،ثوم بودر ،بابريكا،سماق ،علبة زبادي

مكونات الارز

1/2 كيلو رز مصري او بسمتي

1/2 معلقة صغيرة بودرة زعفران

مكعب مرقة

للعيش

عيش شامي محنص في الفرن او متحمر في زيت

مكونات الصوص:

كوب مايونيز

كوب زبادي

1/2 معلقة توم مفروم

ملح ،فلفل،رشة زعتر

للشاورما نتبلها باضافه التوابل للزبادي ماعدا السماق ونقع الفراخ فيها لمدة ليلة كاملة او اقل تقدير ساعه نضع الفراخ في طاسه فيها زيت ساخن لحد ماتبتدي تستوي نضيف الفلفل والبصل بعد تقليبه مع السماق وتركه لربع ساعه وفي النهاية نضيف البقدونس للارز نغسل الارز جيدا ولو بسمتي ننقعه نص ساعه

نسخن الحلة فيها معلقة زيت مع معلقة سمن ونضيف الارز ونقلب حتي يفقد رطوبته ونضيف مكعب المرق ثم نضيف الماء الساخن حسب معيار الارز. نضيف مقدار الزعفران البودر في الخلاط نضرب كل مكونات الصوص ونضيف قليلا من الماء الساخن حتي يصبح قوام الصوص متوسط

نضع طبقات من العيش المحمص ثم معلقتين من الصوص ثم الارز ثم الشاورما ثم كمية جيدة من الصوص والباقي منه يقدم في طبق جانبي وبألف هنا