هتطبخي إيه النهارده…حمام محشي بالفريك

كتبت / عزه السيد

هنطبخ النهارده أكله لذيذه جدا وهي..حمام محشي بالفريك

المقادير:

عدد 4 حمام وسط

كبد وقوانص

3 كوب فريك

4 حبات بصل

2 فص ثوم

ملح وفلفل اسود حسب الرغبة

ملعقة صغيرة قرفة

حبهان

جوزه الطيب

ملعقه صغيره بهارات

رشة زنجبيل

ورق لورا

مستكه

زبده

زيت

كزبرة ناشفه

بصل بودرة

ليمون

صلصه

الطريقه:

نغسل الحمام جيداً بالدقيق والملح والخل وممكن ننقعه فيهم نص ساعةلعمل الفريك انا بحب اسلقه في ماء ساخنه ومش بحب انقعه الصراحه.وبعد كده نتركه يهدأ على جنب.واجيب بصل واشوحه في زيت وبعض من الزبده وانزل بالفريك اشوحه معاه لمده ه دقائق واحط ملح وفلفل اسود واسيبه على جنب

لعمل الكبد والقوانص للحمام نقطعهم وانزل بزيت وبصل وبعض من الثوم واشوح فيهم القوانص اولا واحط بهارات وملح وفلفل وزنجبيل وقرفة وكزبره ناشفه لحد متستوي شويه وبعد كده انزل بالكبد عليها واحط نص كوب ماء عليها واسيبها تستوي على نار هاديه

لعمل الحمام انزل بزيت وزبده وانزل بالحمام بعد الحشو بالكبدوالقوانص واكون قفلته برجليه وبعد كده اديله صدمه بسيطه مع بهارات وملح وفلفل وورق لورا وحبهان وبصل بودرة وقرفة وزنجبيل وجوزه الطيب وكزبره وبعد كده أضيف ٢ بصله مقطعة شرائح واديهم تقليبه وانزل بالماء السخنه عليه واسيبه حوالي ساعة وربع او نص على حسب كمل سواه ولا لسه”اكون مجهزه طاجن وافرشه بالفريك وبعد كده ادهن الحمام بصلصه وملح وفلفل وبهارات وجوزه الطيب وقرفة وليمون وزيت وانزل بيه اديله صدمه في زيت وزبده واشيله واحطه على الفريك في الطاجن وادخله في الفرن يشرب الفريك من الحمام ويبقى طعمه تحفه.

وبالف هنا