أراء وقراءات

وحشتنى

بقلم : أمل الوكيل

وحشتنى كلمة جواها مليون معنى

كان في شخص عزيز عليا جداً ولظروف ما اتفقنا اننا مش هنتقابل تاني ، ولا هنتكلم تاني .. وعد بيتكرر بين اي اتنين لكن مش كل اتنين بيقدروا ينفذوه … الغريب إننا قدرنا ننفذ الوعد ده ، كل يوم بُعد عّن الشخص دا كان الاشتياق بياكل مني حته ، كل يوم بُعد كان بيطفي جوايا حته ، زي اي مكان بيقفل انواره علشان خلاص شطب وقفل

٣ شهور كاملين والوعد لسه بيتنفذ … لكن فجأه ، جاتلي منه رساله ” وحشتينى” رساله دوبت الوجع ، كإنها نورت النور تاني جوايا وكتبت على قلبي ” مفتوح ” بعد ما كان مغلق للتجديدات …

“الفّقد ” بيخلي القلوب محتاجه صيانه

لو صديقك اللي مابيسألش عليك بالشهور قالك ” وحشتني ” هتبتسم ، وهتكملوا كلام … لو زميلك في الشغل قالك ” وحشتني ” هتفرق معاك وهتعرف أنكم مش مجرد اصحاب شغل ، حتى في الخناق ” وحشتني ” بتخليك تاخد وقت مستقطع

كلمة ” وحشتيني ” كلمة سحرية .. كلمة تخليك مش محتاج تبرر او تقول سبب الغياب ، لأنها بتقول إن كل حاجه لسه زي ما هي من اخر وداع.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.