وداع البحر.

بقلم ا. د /نادية حجازي نعمان

مشيت قبل سفرى جنب البحر أودعه

حسيت كأن ليَّ ميت بأشيعه
مين يرسم البحرليَّ ويطبعه
صورة آخدها معايا أريح بيها قلبي وأخدعه
وأقول فيها للبحر مشاعري وأسمعه
قبل ماتنزل دموعي على قلبي توجعه
ماحدش يقول للبحر عن سفري ليفجعه
مش عايزه حاجة تروعه
ولا من جماله وحنانه تطلعه
ولا عن السعادة تبعده وتمنعه
بأعوز حاجات ترضيه وتنفعه
بجد بجد ما أروعه
ياريت أقدر أشيله وأرفعه
آخده معايا فى سفري وأرجعه