وصفة عملية لتحقيق الراحة النفسية
كتبت : ياسمين يحيى
– كلمة حاضر بتريح … قولي حاضر كتير
– لما تكوني مش مقتنعة بكلام الي قدامك متجادليش قولي تمام وخلاص هو/هي كدة كدة مش هيقتنع
– اشربي ينسون ونعناع وشاي اخضر كتير ( مخدرات طبيعية )
– متعليش صوتك عشان ميتمسكش عليكي غلطة
– تحلي ببرود الاعصاب وابتسمي للعالم
– ركزي مع نفسك انتي بس مش مع حد تاني
– كلمة حاضر بتريح … قولي حاضر كتير تاني
– فكري الف مرة قبل ما تتكلمي
– الوحدة احسن من اللمة الكدابة
– متجريش ورا حاجة ولا ورا حد
– دافعي عن افكارك بس مش مع اي حد لأن مش اي حد هيفهم
– خليكي واثقة في نفسك … عشان تعرفي تعملي اي حاجة من الكلام دا
– اثبتي علي موقفك دايماً مادام صح
– اعترفي باخطائك … عادي كلنا بنغلط
– متسمحيش لحد يلغي شخصيتك
– انتي حاجة كبيرة مش لازم تستني التقدير من حد، قدري نفسك
– ساعدي نفسك عشان توصلي لسلام نفسي يخليكي تتقبلي اي حاجة بتحصل
– كل واحد عنده مشاكل فانتي طبيعية متقلقيش
– انتي مش مضطرة تحاربي في حرب مش بتاعتك.
– كلمة حاضر بتريح … تالت
– انقذي نفسك قبل ما تفكري تنقذي حد
– شجعي نفسك دايماً وخليكي مصدر قوتك
– خليكي دايما فاكرة ان ربنا خلقك ليكي لازمه… محدش ملوش لازمه
– متجيش علي نفسك كتير … انتي مش مضطرة
– كلمة حاضر بتريح … و اعملي الي انتي عايزاه في الاخر….
