وصفة عملية للسعادة الزوجية
كتبت ياسمين يحى
كيف تنشأ الزوجة حياه زوجيه سعيده
الرحمه بزوجك فهو يستحق….
_قومى قبل جوزك من النوم بنص ساعة كده اغسلى وشك وسنانك وسرحى شعرك وحطى ميك اب خفيف
_بلاش تسيبي نفسك شبه الغوريلا
_شغلى قراءن وحافظي على صلاتك
_جهزى الشاى والفطار الخفيف كيك بسكويت والعصير الموجود يعنى مينزلش على لحم بطنه اتقى الله
_حضريله الحمام يعنى غياره والبرنس والفوطة
_ادخلى بقى صحيه بس احذرى الصوت العالى وشد الغطا
بوسيه من جبينه قوليله حبيبي يلا هتتأخر ارفعى الغطا بالراحة
وهو فى الحمام تكونى مجهزة هدومه ولما يخرج ساعديه يلبس مش عيب تلبسيه الشراب مش هيقلل من قيمتك يعنى انك تتفرجى عليه وهو بيسرح انك تختاريله البرفان اللى يحطه انك تعجبي بيه وتقوليله كلمة كويسة مش هتخسري حاجه.
_افرديله سجادة الصلاة هتاخدى ثواب
_حطى الفطار عالسفرة وهو بيصلي حضرى جزمته نضيفة ومتلمعة افطرى معاه وصليه لحد الباب
_بوسيه طبطبى عليه ادعيله قوليله هتوحشنى متغبش عليا
هيرتاح نفسيا ويشوف شغله ببال رايق وهيبقى ملهوف يرجع علشان محتاج حنيتك
_بعد ما ينزل نامى ارتاحى بس اعملى حسابك تقومى قبل ميعاده بوقت مناسب روقى بيتك وحضرى اكلك والبسي وسرحى شعرك وحطى برفان واتمكيجى ورشى معطر جو او ولعى عود بخور واستقبليه بابتسامة مهما كنتى تعبانه ومهما كان فى مشاكل خبيها لحد ما يرتاح.
_قدمى الاكل بشكل يفتح النفس ذوقيه وحطى جنبه عصير فرش برتقال يوسفى تفاح ليمون فراولة كنتالوب كيوى اى فاكهة عندك.
_متساليهوش مالك بصيله وخليه يشوف السؤال فى عنيكى بس مش عاوزة تكلمى حسسيه انك قلقانه عليه.
_لما يتكلم ويحكيلك اسمعى منه وخليكى عاقلة.
_اعرفى الوقت المناسب للطلبات وحدود الطلبات على قد امكانياته
_ جمالك مش بس انك رسمة عنيكى حلوة جمالك فى هدوءك وطيبة قلبك ونضافتك وراحت.
_استغلى كل امكانيات البيت فى تزيينه من غير تكاليف مرهقة.
_خلى دايما ليكى بصمة كلمة حركة يفضل فاكرها ومعلقة فى باله مثلا تعاكسيه بطريقة غريبه زى انك تغمزيله او تمورى منخيرك كده يعنى.
_ركزى بقى فى الى جاى لانه السحر الحقيقي.
_لما يزعلك مترديش كلمة بكلمة عدى فى سرك لحد ميه وبعدين بصيله بلوم.
_لما تناموا خدى راسه على صدرك واقرى قران وادعيله بصوت هامس بس مسموع.
_لو زعلك وجه يعتذر متسمحيلوش يعتذر قوليله متعتذرش بمجرد ما طبطبت عليا قلبي صفالك او مقدرش ازعل منك.
_البسى خلخال فى البيت ارسمى حنه على جسمك البسى اكسسوارات رقيقة حطى فى شعرك توك ملونه وورد.
طلعى انوثتك ورقتك لزوجك.
من الاخر انت ام واخت وبنت وحبيبة وعشيقة قبل ما تكونى زوجة.
