( وضوح) ترصد نبض الشارع ومخاوفه من ( خوازيق) الحكومة .. !!
مواقع التواصل الاجتماعى تشتغل بغضب المصريين بسبب زيادة الاسعار
بعد دقائق من من اعلان قرار الحكومة زيادة أسعار البنزين والسولار والبوتاجاز ، اشتعلت مواقع التواصل الاجتماعي غضبا على القرار.
ورصدت وضوح بعضا من التعليمات التي اشتعل بها موقع الفيس بوك وأهمها :
- هو رئيس الجمهورية والحكومة …اقسمواعلى يمين اية؟؟
حد يقولى القسم دا يبقى اية؟؟
- حسبناالله ونعم الوكيل .. الاسعارزادت من جديد
مش هسب والعن واطالب باقالة الحكومة …اقالتها مش هتفيدني في حاجه انا عايزة حلول جدية وسريعة لمواجهة العبث ده قبل ما تتطربق فوق دماغكم
بأمر الحكومة ..تخفيض قيمة الدخل الحقيقى للمواطن المصرى
كل واحد قابلته النهارده 29/6/2017 يقولى بعد أذنك حقول لفظ خارج وأبيح ..مع انه مؤدب..الغلاء خرب الاخلاق؟
يا سواد السواد يا ولاد
-الحكومة تفقد الحس السياسى ونبض الشارع
- المسؤلين الكرام ياريس فاكرين أن الشعب كله راكب سيارات فاخرة ويا عينى نصف الشعب ياريس بيقلب فى الزبالة يبحث عن لقمة.
مقتنعة أن رفع الدعم ضروري ، مختلفة مع التوقيت ، متضررة من القرار ، مـُشفقة علي وعلي غيري…حانقة من كذب الحكومة
ليس لها من دون الله كاشفه
أقسم بالله من يومين شوفت بعينى ست كبيرة واقفة بتشحت رغفين من الفرن.. وبتقولوا حماية محدودى الدخل انتوا خلتوهم معدومى الدخل
-خوازيق حكومية فتاكه..!!!
لو أن الحكومة أعدت خطة لرفع سعر الوقود والغاز بنسبة 40 فى المائة بقصد السطو على الثلاث علاوات المقرر صرفها الشهر القادم ،فقد فشلوا حتى في ذلك إن ماإستعملنا الدقة..!!
لأن الخطة تجاوزت سرقة العلاوات وجارت على ماتبقى لنا من راتب..
فكل وسيلة تنقلنا وكل شئ ينقل إلينا سيرتفع ثمنه إلى الضعف..!!
وحسبنا الله ونعم الوكيل.
- وزير البترول في تصريحات رسمية نشرتها الصحف الصادره اليوم الخميس أكد أنه لا زياده في اسعار الوقود حتي الان …وفي خبر عاجل اليوم للتليفزيون المصري مجلس الوزراء يقرر زيادة اسعار الوقود اعتبارا من اليوم .
مين الكداب؟؟
وبعدين هي دي هدية الشعب في يوم ثورة الشعب؟؟ ومين اللي بيختار التوقيتات دى ؟؟
- الأسعار أسعار الخليج والمرتبات مرتبات الصومال
بنظرة سريعة للزيادات ها نكتشف إن:
اعلي زيادة : انبوبة البتوجاز من 15 الي 30 جنيه بنسبة 100%
واقل زيادة: بنزين 95 من 6.25 لـ 6.60 جـنيه بنسبة بنسبة 25%
وطبعا كلنا عارفين انبوبة البوتاجاز بتاعة مين وبنزين 95 بتاع مين!1
اخيرا ….هذا الشعب وجد من يحنو عليه
– حرام حرام حرام زيادة البنزين والأسعار واسطوانة الغاز كمان الناس هتعمل ايه تشوف نجع غير النجع تعيش فيه بدلامن الذل والمهانه اللى احنا عايشين فيها يحكومه ياظالمه.
- أستفسار بسيط ..من هو الجدع اللى أسمه محدود الدخل اللى كل شويه الحكومه تراعيه وتزود الأسعار وتسيب باقى الشعب؟
– الحكومة بتقول للشعب العيدية متأخرة شوية
