أراء وقراءات
وفاة أخويا حلم مش علم
بقلم / حسني عبية
لاقيت حزني كتير يوزن
وكنت قلت مش حأحزن
ما قدرتش .. وفيك باسرح
أيوه …كتير باسرح
واعيش الذكرى وأدقق
وانا مش قادر أصدق
ساعات باسرح واقول
يمكن يكون حلم
وليه الحلم ده طول
ده باين عليه علم
شهور عدت ومش باين
يكونش سافر مكان آمن
بس بعده علي مش هاين
وليه عينى ما لمحتهوش
دا كان فى الروحه و الجايه
يلاغينى واتكلم ويسمعنى
ويشكيلي ويحكيلي
بيوحشنى جمال طيفك
وافوق م الحلم على إني
مش هقدر تانى أشوفك
٢٠٢١/٨/٧
