ومين فينا ما اتغيرش
كتبت / عزه السيد
حاسك اتغيرت
و مين فينا ما اتغيرش !!!
الظروف بتغير …فراق الحبايب بيغيّر …
المرض بيغيّر … البكا بيغير … الايام اللي بنعديها لوحدنا بتغّير …شيل المسئولية بيغيّر … مواقف الضعف اللي قوينا بعدها بتغيّر …كل ما بنكبر بنفهم نفسنا و الدنيا و الناس فا بنتغيّر !!!
بنبعد عن اللي بيرهقنا وبيوجعنا فا بنتغيّر !!!
بنرتب اولوياتنا كل شوية فا بنتغيّر !!!
مين فينا ما اتغيّرش يا صديقي و فضل زي ما هوّا !!!
التغيير لا مفر منه بس نتمني نتغير للأنضج؛ للأقوي؛ للأرحم مش نتغير للاسوأ و الأبشع !!!
كلنا بنتغيّر مش انا_بس
الظروف ما سابتش حد فينا ما غيرتهوش؛ كُلنا إتغيرنا أولوياتنا إتغيرت …مفاهيمنا إتغيرت …إسلوبنا إتغير …دعواتنا إتغيرت … حتى مقامات الناس في حياتنا إتغيرت …الكام سنة اللي فاتوا دول تكفلوا بتغيير كُل حاجة في حياتنا لغاية ما وصلنا للنُسخة اللي إحنا عليها دلوقتي واللي مع الوقت هتتغير برضوا
