كتبت عزه السيد
يااااااا أم العيال اسمعى كلامى هتكسبى
اهتمى بنفسك علشان محدش فاضيلك يااا ام العيال
ياريت تآكلي كل يوم علبه زبادى هي بقت غاليه بس معلش
إشربى ينسون، علشان يزود هرمون الاستروجين، وصوتك ينعم وبشرتك تتحسن، وتزيدى انوثة بدل ماا انتي عاملة زي الراجل كده
إشربى جنزبيل علشان تبقى ريحة عرقك حلوة وخصوصاً في الجو الحار النار دا احنا مش نقصين وكفاية اللي في الموصلات العامة
امضغى دايما عودين بقدونس علشان ريحة النفس بتاعتك تكون حلوة بدل رائحة الفم اللي تدوخ دى
كل يومين حطى معلقة زيت زيتون على كوب عصير، أى عصير علشان جسمك كله ينعم بسبب الفوايد اللى فى زيت الزيتون بدل ما خلاص الرجل هيطفش منك انتي وامك ومش هتلاقوا حد تنكدوا عليه عيشته
اشربى دايما حليب قليل الدسم علشان يمدك بالكالسيوم وحطى عليه 20 نقطة من ڤيتيامين_د.
قللى أكل المعلبات المحفوظة، اي حاجه معلبه تقليلي وخلاص، والتونه برضه، تقليلي منها علشان مليانه مواد حافظة، هتجيبلك زهايمر بدرى.
خفى من السكر الأبيض علشان بيخلى تجاعيد الوش تظهر بسرعه.
بطلى تتخانقى مع جوزيك، علشان هو بيتخانق معاكى من هنا، ويروح يسهر مع اصحابه، وانتى لما بتتخانقى معاه تقعدى تنكدى علي نفسك لحد ما يجى.
اتفرجى على برنامج من سيربح المليون، علشان تشيلى القشف اللى ملا دماغيك، واتفرجى على نالشينوال جيوجرافيك كل يوم علشان تقوى زاكرتك.
اشربى القهوة مع الشكولاته المره، علشان تحسى بقيمتك شوية، وبلاش كل مرة تشربى مشروباتك، تكون باردة علشان بتعمليها وتنسى تشربيها، من جريك طول النهار وراء العيال.
زودى شرب المياه علشان بشرتك تتحسن، ولا تكون مجهدة.
خدى كل يوم حبة فيتامين سى على نص كوب مية فوار عشان تنور بشرتك.
كل 3 ايام خدى على الريق معلقة عسل ابيض على كوب مية وبعد ساعه افطرى.
خدى بالك انتى مالكيش قطع غيار، ومحدش هيسلفك صحته ولو حتى عيالك نفسهم.
اهتمى بنفسك علشان محدش فاضيلك