أراء وقراءات
ياحظنا
كلمات / الشاعر سيد صبيح
انتم فين سمعونا حسكم
وحشتونا ونفسنا نشوف وشكم
نسيتوا لما كنتم بتجونا
لحد باب بيتنا تترجونا
اننا نقف جنبكم
وتلفوا على كل دار
بزفه وطبل ومزمار
معاكم ناس مننا
بس دول مش زينا
انتم وخدنهم على حجركم
سنه ورا سنه وانتم ولاحس ولاخبر
ولاحتى زياره تبل رقنا اللى بقى حجر
عمرنا ماشوفنا ناس زيكم
ياحظنا كل مره بينضحك علينا
وبعد ماكانتم بتبوسوا ايدينا
فى اول محطه تبعونا
ولامره واحده تشترونوا
ياحظنا وسوء بختنا
مين ادنا مين زينا
فى وشوش رماها علينا الزمن
واحنا اللى بندفع التمن
منكم لله ياقلوب ماتعرف ربنا
مش هنبكى عليكم هنبكى على حظنا
