يارب هون .. علي كل إنسان

خواطر / نانسي القاضي

ياعازف الناى غنى على جرحِ…
واللى إنكتب آه منه وياويلى…
مكتوب علينا الوجع وأشكى لمين وجعي..
لا الشكوى مكتوبه ولا حد يشيل همي…
آه وآه
من الجرح انسكب منه دمي…
إعزف وقول لأحبابي فينكم يادوا قلبي…
انا كنت صبية عُجب الكحل ملى عيني…
سال الكحل بدموع كتير مني…
ياربابة قولي كمان..
مين يحمل همي؟
إن كان حبايبي فاتوني وراحوا بعيد عني…
الغدر طعمه مر ياعزيز عيني…
حكوا عليا كتير.. مرروا حياتي ياعين..
عجباً على قلب ماتشوفش زيه جمال…
إنكوى من كل قريب ومالي دوا ليه..
ياروح ما بعدك روح واتكاترت الجروح…
يامين يقول موال.. جرحوا القلوب ياخال…
ياهوى كله عذاب…
وعزيز عيني..
نفسي الاقى طريقِ..
إعزف وقول كمان…
يامكتر الأحزان..
آه ياربي
هون على كل انسان