يحدث في مصر : منصب الوزير … سمك لبن تمر هندى
كتب : بهاء البجاوي
لما الوزير المُختص اللى وصفوه بـ (( عنتر شايل سيفه )) وهو اللى حينظف المحليات … يشيل مُحافظ (( كان عليه اجماع من ابناء المحافظة انه رجل ممتاز وشغال كويس وكان بيكافح الفساد بجد )) ويشيله بطريقه مُهينه…
وبعدها بحوالى ستة أشهر وفى اول تعديل وزارى نلاقى ان هذا المُحافظ ” المُقال ” (( مُرشح بقوة ان يتم اختياره ليحل محل نفس الوزير ” اللى أقالهُ ” )) ………
على فكره نفس الوزير ” هو هو ” من قبل ما يتعين وزير بحوالى شهر ظهر في برنامج لاحدى الفضائيات. وعندما سأله المذيع انت مترشح تكون وزير – كان رده (( لاء مش مترشح – وحتى لو اترشحت حا ارفض لانه عيب فى حق مصر انى اكون وزير سابق وارجع امسك وزاره تانيه … ليه يعنى هى مصر مفيش فبها ناس تنفع ولا ايه .. احنا كده بنغلط فى حق مصر )) … واول ما تم ترشيحه راح حلف اليمين فورا .
ممكن يا اخوانا يا خلق هوووووه … حد يفهمنى ايه ده بالضبط ؟؟؟؟
هو اللى بيحصل عندنا فى طريقة تعيين وتغيير الوزراء والمحافظين … ممكن يكون بيحصل فى اى بلد فى العالم من أكثرها تقدُماً لأكثرها تخلُفاً …
اموووووووووووووووووووت وأعرف ما هى المعايير التى يتم على أساسها ترشيح واختيار شخصية مُعينه لتولى منصب وزير أو مُحافظ …
لو حد يعرف ينورنى
